Sharmarke iyo Wafdi uu Horkacayay oo Liibaya Aaday

Wafdi uu Horkacayo R/wasaare Sharma’arke oo maanta u kicitimay Waddanka Liibiya,Wafdigan oo ka koobnaa xubno ka kala torsan Golayaasha dowladda ayaa waxaa hoggaaminayay R/wasaaraha Dowladda KMG ah ee Somaaliya Md.Cumar C/rashiid Sharma’arke, ayaa maantay ka dhoofay garoonka Dayuuradaha ee Muqdosho,oyagoo ku sii waajahan waddanka Liibiya,halkaasoo au kaga qeybgalayaan Shirka Madaxda Waddamada Afrika ee lagu wado in uu ka furmo magaalada Sirti ee dalka Liibiya 30-ka Bishan.

Afhayeenka Dowladda Mr.C/qaadir Walaayo oo saxaafadda lahadlay maanta ayaa ka warbixiyay Safrka R/wasaaraha iyo wafdigiisa ee dalka Liibiya,isagoo sheegayna in Shirka ay ka qeybgalayaan ee hoggaamoyeyaasha waddamada Afrika looga wada xaajoon doono Xiisadaha iyo Dhibaatooyinka ka jira qaar ka mid ah waddamada qaaraddan Afrika,oo ay Soomaaliyana ku jirto.

Sidoo kale madaxda waddamada Afrika ee ka qeybgaleysa shirka ka dhacaya Waddanka liibiya maalmaha 30-ka illaa iyo 31-ka Bishan ayaa waxay dib isula eegidoonaan waxyaabihii ka qabsoomay heshiisyo ay hore uwada saxiixeen madaxda Afrika iyo waxyaabaha aan ka hirgelin waxaana lagu wadaa in arrintii ku saabsaneyd Mideynta wadamada Afrika ee uu u ol olaynayay Hoggaamiyaha Liibiya Mucamar Al Qadaafi ay iyana kamid noqoto waxyaabaha laga wada hadlayo.

Somchat.com
Muqdisho-Somaliya

Somali News Videos - Somali Blogs - Somali News - Somali Videos - Somali Chat