Masar oo Dad Laga Heysto Taakulaad U Diiday

Burcad Badeed ayaa dhowaan afduubtay markab masaari ah oo ay saaran yihiin 35 shaqaalo ah iyagoo $5 million madax furasho ku doonaya dadka ay qabsadeen. Dowladda masaarida ayaa lagu eedeyay inaysan wax caawinaad ah u fidin dadkaas reer masarka ah sidaas darteedna waxaa eheladii dadka ay bilaabeen lacag aruuris ay ku doonayaan inay ku soo deystaan dadka burcadka ugu gacan jira xeebaha Soomaaliya. Waxaa Aljazeera wareysatay Caziiza Khaliil oo ah hooyada laba nin oo shaqaale ah oo ka mid ah dadka burcadku heysato.

Dowladda masar ayaa ka caga jiiday howlaha lagu soo deynayo laheystayaasha cabsi ay ka qabto inay burcad badeedku u bartaan qabsashada maraakiibta masaarida maadaama dowlada masar ay bixin doonto lacagta madax furashada. Sidoo kale dowldda masar ayaa eedeynaysa dadka reer masar ee kaluumaysi u aada wadamada fog fog sida agagaarka xeebaha Soomaaliya iyagoo taasi ay tahay sharci daro caalami ah, sidaa darteedna dowladda masar ayaa rabta inay dadkeedu ka digtoonaadaan inay Soomaaliya baddeeda kaluumaysi ugu gaaraan taasoo naftoodana qatar gelin karta.

Somali News Videos - Somali Blogs - Somali News - Somali Videos - Somali Chat