Mareykanka oo Saanad Military Dowladda ugu Dhibeysa AMISOM

Dowlada Mareykanka ayaa shaki gelisay taagero Military oo ay si toos ah u siiso dowlada Federalka KMG ah ee Soomaaliya. Hadalkaan ayaa waxaa uu kasoo yeeray sarkaal katirsan wasaarada gaashandhiga ee Mareykanka xilli uu wareysi siinayay wargeyska caanka ah ee Washington Post kaasoo sheegay in dowlada Mareykanku ay u qoondeeysay dowlada KMG ah ee Soomaaliya taageero dhinaca Military-ga ah taasi oo uu ku sheegay in qeyb kamid ah dhowaan la gaarsiiyay gacanta dowlada Soomaaliya, hase ahaatee waxaa uu sheegay in Mareykanku heleen xog ku saabsan in saraakiil ciidamada dowlada katirsan ay qaar kamid ah hubkaasi u iib geyeen dhanka xogaga kasoo horjeeda.

Arintaan oo sida uu sheegay sarkaalkaani katirsan xarunta Pentigan-ka Mareykanka ah mid ka hor’imaanaysa ujeedadii kaalmooyinka Military loo siisay Soomaaliya, ayaa hadda Mareykanka waxaa uu aaminsanyahay in dowlada Soomaalliya kaalmada loo mariyo dowlaha Afrikaanka ah ee ay qaar kamid ah ciidamadoodu joogaan Soomaaliya, kuwaasi oo ay kamid yihiin dowladaha Burunid iyo Yugandha.

Sarkaal kaani ayaa intaasi waxaa uu ku daray inay dhici karto in wadamada deriska la ah Soomaaliya sida: Kenya iyo Ethiopia la marsiindoono wixii taakulo Military ah ee uu Mareykanku siinayo Soomaaliya.

Hadalkaani ayaa yimid kadib kulan dhowaan magaalada Nairobi ku dhexmaray madaxweyne Sharif iyo xoghayaha arimaha dibada ee dalka Mareykanka Mrs Clinton, kulankaasi oo dowlada Soomaaliya loogu balan qaaday taagero dhinac walba oo ay ku jirto saanad Military. Hadalkaan kasoo baxa sarkaal kaani katirsan Mareykanka ayaa ah mid ka hor’imaanaya balanqaad yadii ka horayay.

Somchat.com
Muqdisho-Somalia


Somali News Videos - Somali Blogs - Somali News - Somali Videos - Somali Chat