Kulan Ku Saabsan Ku Dhaqanka Shareecada oo Ka Dhacay Muqdisho

Kulan looga hadlayay sida ugu habboon ee Shareecada Islaamka looga karo Soomaaliya oo ka dhacay M Muqdisho. Kulanka oo ay soo qaban qaabisay wasaaradda Cadaaladda ee Dowladda KMG-ah ee Somaliya ayaa waxaa ka qeybgalay Xubno ka kala tirsan Golayaasha dowladda,aqoonyahanno dhanka Sharciyada ah,Culumaa’udiin iyo qaar ka mid ah ardayda wax ka barata Jaamacadaha magaalada Muqdisho

Waxaana loogu talo galay in ka qeyb galayaasha dhinacyada kala duwani looga dhegeysto fikradaha iyo Aaraa’da kala duwanaan kara ee ay ka qabaan sida ugu habboon ee dalkan looga hirgelin lahaa isku xukunka shareecada Islaamka,taasoo sida laga warqabaahi ay bishii April ee aynu ka soo gudubnay uu si buuxda isugu raacay Baarlamanka Somaliya.

Intaba badan dadkii ka hadlay kulankani ayaa isku feker waxay ka ahaayeen in marka hore Culimada diintu ay sare u qaadaan ku wacyigelinta bulshada ee wanaagga adduun iyo Aaqiraba laga helaayo isku xukunka Shareecada,iyagoo hadalkoodana ku daray in Somaliya la doonayo sidii ay tusaale ku dayasho mudan ugu noqon laheyn dunida kale ee Muslimka ah waxaanu warku u badnaa in laga ogaado fishil sidii dhacday marar badan, oo qof walbaana laga doonayo inuu dhiso kaalinta uga aaddan hirgelinta Shareecada iyadoo laga soo abyayo dhanka reer walba iyo haygiisa,

Sheekh C/raxmaan Maxamuud Faarax Janaqoow oo gebagebadii kulanka kahadlay ayaa ku ammaanay dadkii kulankani ka qeybgalay iyo fikirka wanaagsan ee ay ku soo kordhiyeenba waxaanu sheegay sidoo kale in at socon doonaan kulamada nuusan oo kale ah si loo gaaro goaanka kama dambeysta ah ee loo qaadanayo qaabka ugu habboon ee loo marayo dhaqangelinta dalka ee iswaafajinta shareecada iyo qaanuunnada kale ee Dowlaiga ah ee dalkan u dhignaan jirtay.

Somchat.com
Muqdisho-Somaliya



Somali News Videos - Somali Blogs - Somali News - Somali Videos - Somali Chat