Maleeshiyada X/Islaam oo meel fagaaro ah ku qaraacay askari iyaga ka tirsan oo qayilay

Maleeshiyada X/Islaam oo meel fagaaro ah ku qaraacay askari iyaga ka tirsan oo qayilay: "Maleeshiyaadka Xisbul Islaam ayaa 'dhooletus ciidan' ku sameeyay magaalada Muqdisho, halkaasoo ay sidoo kale ku fuliyeen xukun qaraac ah oo ay u geysteen mid ka mid ah maleeshiyadooda oo ay ku eedeeyeen in uu cunay JAAD, islamarkaana uu qayilay."

Goobta uu xukunka iyo "dhoolatuska ciidan" ka dhacay ayaa waxaa isugu soo baxay dadweyne u badan haween iyo caruur kuwaasoo ay meleeshiyaadka uga soo saareen guryohooda gawaari ay ku xiran yihiin qalabka warka baahiya sida sameecado iyo mikrafoon kadib markii ay ku wargeliyeen in ay kasoo baxaan guryohooda oo ay daawadaan "dhoola-tuska ciidan" iyo xukunka ay fulinayaan.




Goobta ayaa waxaa ku sugnaa oo hadalo ka jeediyay horjoogayaal ka tirsan Xisbul Islaam, waxaana ka mid ahaa ninka ururkaasi u qaabilsan gobolka Banaadir ee dhawaan xukunka adag dul dhigay warbaahinta gudaha kaasoo lagu magacaabo Macali Xaashi.







xigasho - Geesguud.com


Somali News Videos - Somali Blogs - Somali News - Somali Videos - Somali Chat