Qofka Aduunka ugu Da'da Weyn oo Noqotay Haweeney U dhalatay Georgia

Antisa Khvichava oo u dhalatay dalka Georgia ayaa laga sheegay in’ay tahay qofka ugu da’da weyn caalamka, kadib markii ay dowladda Georgia khaasatan laanta diiwaan galinta dadweynaha dalkaasi ay shaaca ka qaaday jiritaanka Antisa Khvichava oo la sheegay inay 130 jir tahay.

Dowladda ayaa intaasi ku dartay inay hayso cadeymo muujinaaya in Mrs Antisa Khvichava jirto da’daasi iyadoo ka codsatay Buuga Mucjisada Caalamka ee Guinness World Records diinwaangalinta Antisa, taasoo hadii ay dhacdo ka dhigaysa ruuxa ugu cumriga dheer aduunka.

Antisa Khvichava waxay dhalatay 1880, iyadoo 130 sano ay u dhamaan doonto 8-da July ee sanadkan.

TV-yada dalkaasi Georgia ayaa muujiyay Antisa iyadoo la joogta caruurteeda qaar ka mid ah, caruur ay ayeeyo koobaad, labaad iyo sedexaadba u tahay maalintii dorraad ahayd oo ku aadanayd Maalinta Haweenka Aduunka.


Xasan Cadde

Isha Dhacdooyinka Caalamka
laacib143@hotmail.com

xigasho www.dhacdo.com


Somali News Videos - Somali Blogs - Somali News - Somali Videos - Somali Chat